يعنى حياه

25 يناير لعام  2011 كان يوم كلنا اتمنينا انه يكون ثورة بجد اتمنينا انه يغير حاجة ف البلد اتمنينا ان حياتنا تكون احسن اتمنينا ان كل الشباب ال زي الفل دة  ميمتش كدة احلام وامنيات اتمنناها كلنا انها تتحقق  ولكن للاسف لحد دلوقتي متحققتش مجتمع لسة بيعانى لحد دلوقتى  لسة بينزف لحد دلوقتى مجتمع مليان علل وامراض  محتاج علاج قوى علشان يقوم تانى بس قبل ما العلاج يجى للوطن  محتاجيين كلنا علاج من العلل والامراض ال بقت مليانة  رحم الله كل شهداء الوطن السابقين والحاضرين والقادميين دمتم على وطن افضل  دمتم سالمين

يوم 25 يناير لسنة 1952 هو دة اليوم ال كان السبب ف اننا بنحتفل بعيد الشرطة اشمعنة يعني اليوم دة  اية ال حصل فية مثلا يخلية عيد للشرطة المصرية ال فيكم شاف فيلم حرب كرموز  هو حاجة شبهه الفيلم شوية بس الاحداث كان ف الاسماعيلية مش الاسكندرية ومكنش المحاصر قسم لا دة كان مبني محافظة الاسماعيلية بأكملة الحكاية كالاتي بدأ  يظهر توتر كبير جدااا بين الجانبين المصري والبريطاني بسب العمليات الفدائية ال كانت بتقوم ف مدن القناه وكان مقصود بيها معسكرات الانجليز وتدمير ثكانتهم واخد اسلحتهم ودي بدأت  1951 تقريبا  وسحب العمالة المصرية من المعسكرات ومن المجري الملاحي للقناه  ال كان ليهم السبب ف ان بريطانيا تتحط ف حرج جامد جدااا نتج عنة قرار متهور جدا من الجانب الانجليزى  ال بدأ يدخل جيشة بدباباتة بمعداتة الثقيلة داخل المحافظة  لا ومش كدة كمان دول حاصروا مبنى المحافظة  وطلبوا من ضباط البوليس المصري تسليم اسلحتهم وتسليم مبني المحافظة من وجهه نظرهم مكان ايواء الفدائيين  رفض البوليس المصري بشدة القرار دة ودافع عساكر وضباط البوليس  ال مكنش

الفايدة الوحيدة ال لاقيتها للتدخين انك بتنفع صاحب المصنع ال بتشتر نوع السيجار بتاعة غير كدة كلها عيوووووووووووب كتييييير اوووووي ليك اكتر حاجة مبفهمهاش اني الاقى واحد  مش معاه ياكل وواقف يشرب سيجار  يعني السيجار دة شبعك مثلا او لو حتي معاك تمن مليووووون سيجار لية تستهلك كل السيجار دة وتخسر فلوسك وتخسر صحتك  وتجيب امراض الدنيا ليك ولاولادك ولاي حد قريب منك  دة غير الضعف الجنسي ال بيسببه التدخين كمان يعني من الاخر التدخين ما هو الا اداه بتقتل بيها نفسك  علشان كدة هو محرم دمتم سالمين بحفظ الله خليك اقوى منة ووقفه

رب ولادك ان الدنيا مش دار عدل وانه ممكن يتعب وميلاقيش فخلية يتعب تاني ربية انه يبذل اكتر طاقه عندة علشان ياخد ال عاوزه ربيه انة ميضيعش اى فرصه تجيلة ومتعودوش ان كل حاجة تيجي ع السهل خلية يتعب واتعبة انت كمان علشان ياخد ال هو عاوزة علشان لما يكبر ميتصدمش  من قسوه الدنيا من الاخر نشفة علشان لما يقابل حيطان كتير  يعرف يكسرها

قبل ما اولادك يكبروا حاولي تجيبي علبة صغيره وزينيها برسوماتهم وهاتي ورق ملون كتييييير وبدأي اكتبي فية  كلامهم اللطيف ال بيقولوه في سن 3 او 4 سنين  تقريبا كل طفل في الفتره دي بيكون لية كلام مميز هو بس ال بيتكلمه اكتبية  هيكون زكره جميله ليهم وليكي لما تكبروا وهتكون حاجة مميزه لكل طفل من اولادك دمتم سالمين

دي صورة بانوراما للبحر الميت ال ميعرفش البحر الميت هو بحر موجود علي الحدود بين الاردن والضفة الغربية والقدس  ومايطلق علية اسرائيل وطبعا الجانب الفلسطيني ملوش اي سيطرة علية ولا بيستفاد بأي جانب استثماري فية مش هنتكلم عنة بالتفصيل المرة دي  هنزكر حاجة بسيطة بس فية بالرغم انة ملئ بالمفاجأت والمعجزات الكونية تبارك رب العزه  وجل البحر الميت توجد فية اوطي نقطة كونية علي سطح الكرة الارضية وكمان من اشد المناطق ملوحة ع وجهه الكرة الارضية  ودة بيرجع لكونة بحيره   يعني المية بتدخل فية من ناحية مبتخرجش من الناحية التانية قرأت عنه كتير  وهنشرح دة بالتفصيل ف موضوع لاحق لكن اكتر ال لافت نظري فية ان ف وسط الملوحه ال فية دي  ال ان في عيون لمياه عاذبه ف قاع البحر دي صوره لمستكشفين عيون مياه عذبة  المياه العذبه خارجة من قاع اكثر المناطق ملوحة  واكثرها انخفاضا علي وجهه الكرة الارضية ودة اسباب ان منطقة البحر الميت من اكثر المناطق الاستشفائيه  ال كتير من الناس بتزورها بغرض العلاج دة

يعني كلنا مشغوليين بأنتقاد بعض واظهار عيوب بعض ومش مركزيين اطلاقا علي عيوبنا بالرغم ان لو كل واحد فينا ركز علي عيوبة هو بس  وحاول يغيرها  او علي الاقل يحسنها  العلم كلة هيكون احسن كتير  بالتبادل علي فكرة

أصيب الفنان يوسف فوزي بمرض الشلل الرعاش  ودة مش من دلوقتي علي فكرة  دة تقريبا من 3 سنين وعلي فكرة كان في مسلسل اسمة اوبرا عايدة ليحي الفخراني من زمان وكان يوسف فوزي عامل فيه دور طبيب جراح اصيب بمرض الشلل الرعاش ايضا فيا لسخرية القدر  وال بيدعوا للسخرية اكتر انة في مرضه دة يتعرض علية انه  يمثل ويمثل ادوار ليها علاقة بمرضه انتوا لو عاوزيين تضايقوه مش هتعملوا كدة ربنا   انت الشافي المعافي  ان عبدك استصعب علية مرضه وشد علية فاللهم امين اشفه وعافيه هوكل مريض شفاءا لا يغادر سقما

أشمعنه الدعاء ساعة المطر تعالي رب العزه والملكوت ربنا لما بينزل المطر علي الارض بيكون مقصود بيها خير لاهل الارض دي فرحمات ربنا بتنزل في الساعة  دي وزي ما بنقول ابواب السما بتكون مفتوحة فربنا جلي علاه بيستجيب دعوه عبدة ال بيحب في لحظة نزول المطر وعلي فكرة مفيش عبد بيدعي ربه الا لما يكون ربه بيحبة فأكثروا من الدعاء ساعة المطر  فأكثر ما تتمني  لان رب العزه لا يعجزه شئ لو اراد شئ فلحظتها بيكون فاللهم صيبا نافعا دمتم سالمين

يعني العاقل الذكي هو ال ممكن يسخر كره حد لية وحقدة علية  انه يعود بالفايدة علية بمعني انا عارف ان فلان دة بيكرهني فتجنب التعامل معاه  الا ف اضيق الحدود ولو اضطريت اتعامل معاه  فأوصله معلومات عني انا عارف انها مش هتضرني لا وبالعكس اكون عارف انه لما يعرفنها هيستخدمها ف حاجة هتساعدني من غير ما ياخد باله ولو وصلني معلومة منه انه قال في حقي حاجة سواء حلوه او وحشه انت المفروض تحللها بمنظوره وتشوف هو يقصد من وراها اية وغالبا هتعمل عكس ال مبينة ليك اما الغبي بقي مبيعرفش حتي يستفيد حتي من اصدقاؤه بمعني صديق لك نصحك نصيحة ف حاجة معينة وانت متأكد انة غرضة  نصيحتك  فعلا وانه يحللك مشكلة معينة لكن انت علشان غبى بردوا  مستفدتش من نصيحتة دي وقررت تعمل ال ف دماغك ال هو  اكيد غلط او يكون عندك مشكلة معينة وتكسل حتي تطلب من صديقك انه يحلهالك وانت عارف انه قادر الغبي بردوا بيعمل كدة اتمني اننا نشغل دماغنا ونحاول نستفاد من اصدقائنا ومن قبلهم اعدائنا

يعني لما تتكسر حاجة عندكوا ف البيت بلاش لو سمحت ترميها ع طول ف الزباله حطها في كيسة وبعدين ارميها علشان متاذيش العامل لما يشيلها ⁦❤️⁩ودمتم سالمين ⁦❤️⁦❤️⁩⁦❤️

يعني حاول  حاول مضيعش يومك والسلام احساس انك تكون عملت حاجة مفيدة ف يومك احساس حلو متحرمش نفسك منة باي حاجة بسيطة انت متتخيلهاش تطلع صدقة بسيطة جدااا وانت ماشي قابلت واحد مريض فتدعيله صليت ع خير الختام اللهم صلي وسلم وبارك  دعيت لمكروب ربنا يفك كربة  صليت فرض جماعة في المسجد شيلت حاجات تقليه عن ست كبيره او قومت ف المواصلات وقعدت نفس الست الكبيرة مكانك حاول تعملها  انت مش خسران اي حاجة 

الله يرحم الجميع والدعاء واجب لكل متوفي  واننا لازم نذكر محاسنهم فقط  وكل الكلام الايجابي دة لازم يحصل بس لية اشمعنة هما يعني لية التلفزيون خاصتا لما حد من الممثلين او المخرجيين  يتوفي بيبدأ يتكلم عن انجازتهم وحياتهم  والفايدة ال حققوها للبلد كل دة حلو وحلو جدااااااا كمان انك تفكر الناس بحاجات ايجابية ناس عملوا  وكمان بتكرم اعمالهم بس اشمعنة هما لية بس الممثليين والمخرجيين والمؤلفيين هما مفيش غيرهم ف البلد يعني المفروض والصح يعني من وجهه نظري ان اي حد توفي ف بلدنا وكان صاحب علم  وكان حد ناجح ف حياتنا وسايب بصمة ايجابية لينا لية مش يتكرم  لية مش كل الناس تسمع عنة زية زي غيره ايا كان طبيب ناجح محامي ناجح مهندس ناجح مش لازم بس الناس ال معروفة ال نهتم بموتتهم لا وال مش معروفين كمان وكان ليهم بصمتهم لازم الناس كلها تعرف عنهم دة حقهم علينا  اكراما لل عملوه ف حياتهم وعلمهم ال نفعوا بية غيرهم يعني النهاردة لولا جوجل  مكناش عرفنا مين مفيدة عب الرحمن صح ؟؟؟ تحية اجلال وتقدير لكل من

خلي دايما معاك دايما   notebook لطيفة وخفيفة وخلي الوانها مبهجة كمان علشان تحب تبصلها وتقرأ ال فيها رتب اولوياتك فيها وسجل ال عاوز تعملة ف يومك واي حاجة محتاج تجيبها الكتابة ف ال note book افضل كتير من الكتابة ع الموبايل وبتخلي تركيزك كمان اعلي

اية هي الصورة دي ال علي متصفح جوجل مين الست دي  ولية جوجل بيحتفل بيها دي المحامية مفيدة عبدالرحمن ولدت 1914 اول محامية مصرية   اول امرأه ترفع دعوه امام محكمة عسكرية اول امرأه ترفع دعوه في نحاكم جنوب مصر مفيدة عبدالرحمن كانت مفيدة جداااا في الحياه الساسية المصرية ومفيدة جداااا للمرأه في جيلها ولنصرة المرأه وحققت حاجات كتير جداااا والغريب جداااا انها كانت زوجة وام ل 9 ابناء  لك انت تتخيل حققت دة وهي ام ل 9 ابناء ازاي قدرت تحقق دة وهي متجوزة ومخلفة 9 اولاد دة كان سببه جوزها ع فكرة مفيدة عبدالرحمن محققتش حاجة تقريبا غير لما اتجوزت وخلفت 5 من ابناءها كمان مفيدة الاول كانت عاوزة تبقي طبيبة بس تخلت عن الحلم دة علشان تتجوز  زوجها الكاتب الاسلامي محمد عبد اللطيف وبعد الجواز قررت تلتحق بكلية الحقوق جامعة فؤاد الاول 1935 العميد لما عرف انها متجوزه رفض دخولها الا بعد مقابلة زوجها وفعلا محمد عبداللطيف قابل العميد واقنعة بألتحاق زوجتة لكلية الحقوق وتخرجت مفيدة من الكلية وبدأت سلسلة النجاحات في حياتها ونجاح كمان في حي

العيال  هما كدة كدة بيعيوا وبيبلعوا ف ادوية اااااد كدة فأدوية بأدوية خلي عندك ثقافة ازاي تقوي مناعة طفلك بالادوية بردوا ف حاجات كتير موجودة ف الصيدليلت  ال منها طببعي وال منها كيميائي بس بتقوي مناعة ابنك بيها وع فكرة ممكن طفلك يخف منها من غير متبدأي حتي معاه قرص علاج اسألي طبيب اولادك عن الحاجات دي واسألي كمان  ازاي اتعامل معاه لو بدأ عنده دور معين خليكي مثقفة جدااااا في الحكاية دي اسألي علي تطعيم الانفلونزا والتطعيمات الخارجية ال هتقدري تدية منها اديهالي  واكياس المناعة والحديد لو محتاجة  فيتامين د لو محتاجة وغالبا هيكون محتاجة متكسليش واتعلمي  انتي بتبني جسم ابنك ودة هيأثر علية لما يكبر خلي الاساسات قووووية دي فيتامينات علي فكرة علي شكل جيلي

في علاقات كتيرة موجودة في حياتنا في منها اللطيفة الخفيفة وفي منها المحبوبة وفي منها التقيلة  وفي منها المملة قرب دايما من العلاقات ال بتديك طاقة ايجابية وبعد عن اي علاقة بتديك طاقات سلبية مثلا عندك ناس ف حياتك مبتحبهومش  بلاش نقول مبتحبهومش خلينا نقول  مبترتحش للكلام معاهم بس ف نفس الوقت انت مجبر ع التعامل معاهم عاملهم وعاملهم كويس كمان بس ف حدود اوعي تخليهم يتجاوزوها انت مجبر تتعامل معاهم بس مش مجبر  تحمل نفس فوق طاقتها وفي ناس بقي انت مبتحبش تتعامل معاهم بس موجوديين ف حياتك  لكن انت مش مجبرتتعامل معاهم دول بقي اقطع معاهم وانت الكسبان انت اناء بتتملي بكل ال بتقابلهم في حياتك وبتتطبع بطباعهم كمان بلاش يكون ف شخصيتك حاجات انت مش حاببها ومبتبقاش عارف جاية منين جاية من هنا بقي

في مقولة بتقول  ( لو اردت فهم الحاضر فأدرس الماضي ) خلوها عادة  نقرا لاولادنا كتير عن التاريخ مش شرط تاريخنا بس  وتاريخ العالم حولنا مش بس نعرفهم حواديت خيالية لحاجات محصلتش ممكن الحواديت دي تكون كويس  للسن الصغير بس السن الكبير  محتاج معلومات محتاج حقايق  محتاج يعرف اكتر عن العالم حوالية محتاج احداث مشوقة ومعتقدش مفيش اكتر من تاريخ الدول وال حصل فيها  فبدل ما نحكي حواديت فايدتها قليلة خلونا نقلهم حاجات حصلت فعلا  ف عالمنا يتعلموا منها  وممكن يعرفوا نفسهم اكتر من حواديتنا عن التاريخ ويكتشفوا هما عاوزيين يعملو اية مهو لو اردت فهم الحاضر فأدرس الماضي

خليها عادة مرة ف الاسبوع خلي ابنك او حتي انتي اختاروا فيلم كارتون واترجوا فية مع بعض وخدوا رأي بعض فية واتشاركوا  واتكلموا طول الفيلم ولو الفيلم ف جوانب ايجابية اظهاريها لية  ولو سلبية ابرزي اد اية دة حاجة وحشة ومش مفروض نعمل كدة اتصاحبوا مع بعض دلوقتي هو محتاج انك تكوني جمبة بكرة انتي محتاجة انة يكون جمبك ويسمعك ويتفرج معاكي ع الفيلم

كل ست حامل او بترضع او بنت حتي مبتكلش كويس متنسيش فيتاميناتك  للاسف تناول الفيتامينات  ثقافة مش موجودة عندنا لازم علشان تحافظي علي نفسك وصحتك تاخدي بالك من نفسك مش علشان خاطرك ع فكرة علشان خاطر ال بيهموكي متنسيش نفسك علشان لو انتي نستيها محدش هيفكرهالك

بلاش كل مرة الخروجة تبقي هي هي ونفس المكان كل مرة وتقريبا نفس الالعاب ومفيش حلجة جديدة لا بيتعلموها ولا بيعرفوها فكروا ف اماكن جديدة اماكن مفتوحة يخروجوا ويلعبوا ويكون اللع فيه حركة  مش ف نفس المكان خلوهم يطلعوا طاقتهم ف حاجات مفيدة بتبني جسمهم وعقلهم الاتنين مع بعض مش يجوا يطلعوها عليكم ف البيت وهتوفروا فلوس كتير ع فكرة

خليها عادة  واشرب معلقة عسل نحل  ع كوباية مية دافية علي الريق اول ما تصحي من النوم تغسل معدتك وتريحها من كل ال شفتة اليوم ال قبله

الطفل هو اسفنجة ليكي دة متفقين عليها فبدل ما متصرفي فلويك ع حلويات كتير هتضره اكتر من انها  هتنفعة  خليكي ف المفيد وهاتي فاكهه حببية فيها وع فكرة هياكلها لو لاقي مفيش غيرها ف البيت وهيحبها بعد كدة جداا قطعي الخضار  ( فلفل طماطم خيار او حتي جزر ) واديهاله ع مدار اليوم سناكس مفيدة ولذبذه وهيحبها خلية ياكل بزر الفاكهه زي التفاح مثلا مفيد جداااااااا ع فكرة هنتكلم عنها بعد كدة بأستفاضة اكتر

بلاش يا خرابي وخليها يا خراشي لما تقول يا خرابي انت كدة بتدعي ع نفسك من غير متاخد بالك لكن يا خراشي دي  كلمة لطيفة ع الاقل مفيش منها ضرر لكن هو يعني اية يا خراشي خراشي دة رجل يشهد له الصلاح  ( اسمة   (  محمد  الخراشي كان اول امام للازهر الشريف  وكان نعم النصير للمظلومين ينصر العباد من الظالمين حتي لو كان الظالميين دول حكام البلاد انفسهم واكبر دليل ع كدة ان الناس كانت طول الوقت بتستنجد بية ف مهام حيانهم حتي الصغير منها لحد ما وصلت لينا الكلمة دي وبقينا  بنستنجد براجل مش موجود معانا بس اثره موجود فبلاش يا خرابي وخلينا نكرم رجل له اثر طيب ف التاريخ ع الاقل

انتي لو زعلانة انك مبتشغليش وعمرك هيضيع من غير ما تقدري تحققي نفسك  او مقدرتيش حتي تشتغلي شغلانة بسيطة انتي عندك هدف اسمي بكتير اووووي انت عندك شغلانة اهم بكتير اوووي بردوا عندك شغلانة لو قدرتي تحققيها هيكون كدة انت نجحتيي ف مهمة حياتك  ع فكرة انك تبقي ام دي مش حاجة ساهلة دة اكيد كل ام حاسة بكدة بس تبقي ام ناجحة وانك تخرجي اولاد طبيعيين ف المجتمع ال احنا فية دة وناجحيين  دة قمة نجاح الامومة دي ممكن تكون اصعب شغلانة واهم شغلانة بردوا  ع كوكب الارض كلة اوعي تتفهي من امومتك او تستسهلي الموضوع او تاخدية بسهولة الموضوع صعب وصعب جدا ف زمنا دة ربنا يعينك ع مسؤلية زي كدة واوعي تزعلي انك فقدتي كاريرك بسبب اولادك دي مهمتك الاعظم وحاربي معاهم وبيعهم علشان توصلوا ع بعض لبر امن انتي حاجة حلوة بتحارب علشان تخلي دنيتنا احلي من الاخر  خلي استثمارك ف اولادك وانجي ف مشروعك طالما مقدرتيش تلاقي كاريير مناسب بجانب مشروعك الاهم  ( الامومة )

the voice kids بلاش نخلية قدام ولادنا كتير بلاش نخليهم يتعلقوا بية اوي بلاش نخلية من غير ما ناخد بالنها حلم لاطفالنا او حتي حلم لينا احنا  اننا نشوف ولادنا فية انا لو ابني موهوب فعلا ف الغنا او ف اي مجال موسيقي ممكن يمارس موهوبتة دي عادي جداا بجانب دراستة يعني ف حفلات مدرستة  ف حفلات نادي او حتي ف تجمعات عائلية بلاش نسلط علية ضوء قوي من سنة الصغير دة انت مش عارف ممكن يأثر ع شخصية طفل ف  السن دة  بأية يعني انا اختزلت طفولتة كلها ف برنامج يكون دة حلمة لفترة طفولتة بس وبعد كدة هيعمل اية دراستة ال اهملها  تغييره محيطة الطفولي بناس اكبر كتير عنة هيتعوض ازاي مثلا كل فترة ليها وقتها  كل فترة ليها حلاوتها  كل فترة ليها كمية خبرات  المفروض احصل عليها ف وقتها من الاخر متكبروش ولادكم قبل وقتهم وميكنش طموحهم بس الغنا او الكورة  الدنيا مش كدة بس انتوا ال مسؤليين توروهم حاجات تانية  ومجالات تانية ممكن هيكونوا انجح فيها كتير جداااااااااا لو ركزوا عليها شوية

خلونا نرجع للعادة القديمة ال تقريبا كل بيت كان بيعملها حاجة حلوة اوووي انك تحط زرع ف بلكونة لو حتي قصرية زرع واحدة اي نبات اي ورود جميلة تصحي الصبح  تبص عليها تهتم بيها تحس انك هتاخد منها طاقة ايجابية قصرية بسيطة خالص (فل - ياسمين - ريحان - نعناع ) وممكن تستفاد منها بردوا دة غير شكلها الحلو طبعا  وريحتها الحلوة يعني واقف ف بلكونتك بتشرب كوباية شاي ممكن تقطف ورقتين مثلا وتشرب احلي كوباية شاي وممكن بعد كدة يعجبك الموضوع اكتر وتبدا تجيب زرع اكتر ويبقي عندك جنينة ومكان خاص بيك ف بيتك يكون سبب ف رجوعك بيتك كل يوم سعيد

آمنوا الأرض وافرشوها بحاجة تقيلة وسبوهم ينطلقوا سبوهم وبلاش تقيدوهم ف  يايحدود دي فترتهم  ال شخصيتها بتتكون فيها الرسول طلب مننا تعليم الصلاه ع سبع  يبقي اكيد دة السن المناسب للتعليم وانك تفرض عليهم  تربية معينة قبل كدة سبوهم هما يربوا نفسهم ويبنوا شخصيتهم  ال هيواجهوا بيها عالمهم         💪😉💪

عمرك جربت بيض علي بقسماط علي شوية جبنة موتزريلا أو رومي  ال موجود يعني ممكن يطلع اية هيطلع أكلة اختراع والله  حاجة كدة اومليت ع بيتزاية صغيرة محطوط فوقها جبنة  جربها وصدقني  مش هتندم بتبدا تجيب البيض ف طبق غويط وتحط علية شوية  بقسماط والملح والفلفل وتضربهم كويس  وبعدين نحطهم ع النار ف طاسة فيها معلقة سمنة بلدي اه سمنة بلدي علشان تكمل 😅 ونسيبها لحد ما قرب السوا ترش ع وشها الجبنة ال  بتحبها  والف هنا وشفا 😁 تغير الفطار الصبح 😁

لو مش منتظم ف الصلاه متقلش ان كدة كدة مش منتظم هبطل اصلي لا استمر ع الصلاه  شيطانك هو ال بيبعدك وهو ال بيقولك انت مش متقبل منك كدة كدة لا متقبل منك وربك عالم انك بتعافر علشان مش بتصلي ونفسك تنتظم بلاش تسيبها خالص  حافظ ع الشعرة دي ممكن ربك يردك الية رد جميل لو بتبيني نص شعرك بلاش تقولي هما كدة كدة بينقدوني اخلعة خالص ابدااا او تعملي كدة هما كدة كدة هيتكلموا وهينقدوا بلاش تبعدي اوووي بلاش تبعدي اكتر  حافظي ع الشعرة لو مش بار بأهلك اووي اوعي تسيبها زعلانيين فترة طويلة بعد متزعلهم  وتقول كدة كدة خناقة ومش هيسمعوا مني ومبقاش فارق حافظ ع الشعرة دي بردوا حافظ ع علاقتك بربنا  حافظ ع علاقتك حتي لو شيطانك او نفسك بيبينوا ليك ان كدة كدة خلاص انت مطرود من رحمتة تعالي ربنا رحمتة وسعت كل شئ انت ال هتكون محتاج الشعرة دي قدام اووووووووووي

يعني خليها عادة حلوة اوووي اول ما تصحي وانت بتصحصح كدة قبل اي حاجة هات المصحف ال انت هتحطة جمب سريرك واقرأ فية صفحتين  صفحتين بس علشان المصحف ال انت ماسكة دة هيجي يوم القيامة شفيع ليك  ويشهد انك مهجرتوش  انت مش خسران وقت ولا مجهود دي حاجات بتعملها دلوقتي بمنتهي البساطة علشان قدام هتلاقي  نفسك ف اشد الحاجة للدقايق دة دة غير الراحة النفسية ال هتحسها ف بداية كل يوم  خليك ايجابي ف حياتك واعمل حاجات تكون فخور بيها

يعني حادثة بتحصل كل يوم في عالمنا المأساوي دة طبيبات التكليف ابلغوا بحضور تدريب لية علاقة بتكليفهم ايا كان طريقة الابلاغ  او الطريقة ال سافروا بيها او المكان ال رايحينة دة قدرهم  مأساه بكل ما تحملة الكلمة من معني  الطبيبة المتزوج قريب  وال بتنتظر مولود  وال بتستعد لحياتها العملية  وال   وال    وال    قصص كتير جداا لكل بنت فيهم العامل المشترك الوحيد انهم تقريبا اعمارهم متتجاوزش ال 26 عام ودة مش صغير ع الموت بس صغير جدااا ع اهاليهم ال ملحقوش يشبعوا بعيالهم  ولا يفرحوا بيهم  عمر صغير اوووي ع طبيبات  تقريبا حياتهم قضوها ف المذاكرة ملحقوش يشوف دنيتهم ال لسة تقريبا بدأوا يتعرفوا عليها ناس كتير بتنادي ان حقهم يرجع وان المأساه دي متتكررش تاني نتمنا ان حد يسمع او حد يعمل حاجة  ويحل مشاكل التكليف للاطباء وغيرهم بس صدقوني هما حاليا مش محتاجيين كل الكلام دة  خاصتا ال توفاهم الله هماكدة كدة مش فارق معاهم ال بيحصل ف دنيتنا دي  ال هما فعلا محتاجيينة دلوقتي  الدعاء وصدقة جارية ليهم دة ال هما محتاجي