هو اية ال الشرطة عملتة علشان يكون 25 يناير عيدهم
يوم 25 يناير لسنة 1952
هو دة اليوم ال كان السبب ف اننا بنحتفل بعيد الشرطة
اشمعنة يعني اليوم دة
اية ال حصل فية مثلا يخلية عيد للشرطة المصرية
ال فيكم شاف فيلم حرب كرموز
هو حاجة شبهه الفيلم شوية
بس الاحداث كان ف الاسماعيلية مش الاسكندرية
ومكنش المحاصر قسم لا دة كان مبني محافظة الاسماعيلية بأكملة
الحكاية كالاتي
بدأ
يظهر توتر كبير جدااا بين الجانبين المصري والبريطاني
بسب العمليات الفدائية ال كانت بتقوم ف مدن القناه وكان مقصود بيها معسكرات الانجليز
وتدمير ثكانتهم واخد اسلحتهم ودي بدأت 1951 تقريبا
وسحب العمالة المصرية من المعسكرات ومن المجري الملاحي للقناه
ال كان ليهم السبب ف ان بريطانيا تتحط ف حرج جامد جدااا
نتج عنة قرار متهور جدا من الجانب الانجليزى
ال بدأ يدخل جيشة بدباباتة بمعداتة الثقيلة داخل المحافظة
لا ومش كدة كمان دول حاصروا مبنى المحافظة
وطلبوا من ضباط البوليس المصري تسليم اسلحتهم وتسليم مبني المحافظة
من وجهه نظرهم مكان ايواء الفدائيين
رفض البوليس المصري بشدة القرار دة ودافع عساكر وضباط البوليس
ال مكنش عددهم يتعدي 800 ضابط وعسكري
ومكنوش مسلحيين غير ببنادق قديمة
ع الجانب الانجليزي
كان عدد الجنود الانجليز تقريبا 7000
دة غير الدبابات ال معاهم والرشاشات
والاسلحة الثقيلة
دارت معركة غير متكافأه بين الطرفين
نتج عنها 50شهيد و80 جريح
رحم الله جميع شهداء الوطن
الحاضرين والسابقيين والقادميين
ودمت يا وطنى عزيزا
دي مجموعة صور لمعركة الاسماعيلية
تعليقات
إرسال تعليق